Fecha: 08-03-2024

MERCAR ENTRADA
Teatro Afundación, Vigo
07-03-2024
Hora: 20:00h
Precio:

MERCAR ENTRADA

(EN)FOCO ondas de inspiración

O concerto ábrese cunha estrea do compositor galego Jacobo Gaspar, De mar a Mar, na que latexa a súa constante búsqueda das posibilidades expresivas do son, a través de texturas e referencias poético-musicais. Nas antípodas estéticas sitúase Igor Stravinski, quen atopou no repertorio histórico o sedimento sonoro da súa música. As Danzas concertantes foron estreadas en Los Ángeles en 1942 co compositor como director; a obra contén toda a enerxía rítmica das súas primeiras composicións e a claridade e refinamento melódico das súas obras neoclásicas. Robert Schumann pon fin ao concerto coa segunda das súas catro sinfonías, estreada por Mendelssohn en 1846 con escaso éxito. Esta obra componse nunha época difícil para Schumann, sumido nun desacougo que non se reflicte na obra, escrita cunha linguaxe moi innovadora e cun empuxe orquestral moi vencellado ao Beethoven sinfónico.

 

Johanna Malangré, directora
Rosa Fernández, musicóloga

Jacobo Gaspar: De Mar a Mar*
Igor Stravinski: Danses Concertantes
Robert Schumann: Sinfonía núm. 2 en Do Maior, op. 61

*Encarga RFG. Estrea absoluta

 

Coa participación do alumnado da EAEM

Consulta o programa do concerto aquí

 

Os concertos (EN)FOCO son unha nova proposta de programas que consiste en concertos comentados dunha hora de duración para axudar a comprender a música clásica a aquelas persoas que se achegan por primeira vez a ela. Estes concertos son de balde para os abonados e terán un custe de 10€ para os non abonados. Tamén existe a posibilidade de facer o “Abono (EN)FOCO” que, por 50€, inclúe os tres concertos (EN)FOCO da temporada e dous concertos máis a elixir.