A Real Filharmonía de Galicia presenta as chaves da temporada 2024-25 nun concerto especial dirixido por Baldur Brönnimann e aberto a toda a cidadanía.
As persoas abonadas terán reservadas as butacas que ocuparon ao longo da tempada e abondará con que presenten a súa tarxeta de abono no acceso ao recinto. Para o resto de persoas interesadas, a entrada é de balde previa retirada de convites (máximo 2 por persoa) na páxina web de Compostela Cultura, no despacho de billetes da Zona C e no do Auditorio de Galicia (o propio día do concerto).
Ao remate, haberá lugar para a conversa co público e para compartirmos un viño por cortesía de Galicia Calidade.
Programa sorpresa!