REAL FILHARMONÍA DE GALICIA
Proxecto participativo con coros de Galicia
Javier Fajardo, director
Milan Périsic, barítono
Andrea Rey, mezzosoprano
Coro de Cámara Thalassa (Marín, Pontevedra)
Coro da Asociación Músico Crisanto (Rábade, Lugo)
Coro Asociación de Amigos del Camino de Santiago (Lugo)
Coro Asubío (Santiago, A Coruña)
Coro da Escola Municipal de Música de Santiago (Santiago, A Coruña)
Coro Crecente de Voces Graves (Santiago, A Coruña)
Sons de Solovio (Santiago, A Coruña)
Aberturas, coros e arias das óperas máis representativas de Wolfgang Amadeus Mozart, Gioachino Rossini, Giuseppe Verdi, Gaetano Donizzeti e Georges Bizet.
VEN 19 DEC
Auditorio de Galicia, 20:30 h
(15 €) Público xeral
Coa participación do alumnado da EAEM
Proxecto en colaboración con: Federación de Coros De Galicia e Amigos da Ópera de Santiago de Compostela
O director galego Javier Fajardo volve poñerse á fronte de Cantamos!, proxecto co que a Real Filharmonía convida a participar a todos os coros galegos afeccionados que o desexen. A terceira edición desta iniciativa participativa céntrase na ópera, un xénero de vocación universal que, porén, tantas veces permanece alleo ao gran público. Cantamos! permite achegarse a ela dun xeito único: interpretándoa e escoitándoa desde dentro, nunha experiencia colectiva de gran valor transformador. Mozart, Rossini, Verdi, Donizeztti e Bizet son imprescindibles por esta razón. A súa música relata historias de amores e celos, de coraxe e entrega, de renuncias e xenerosidade. As súas óperas forman parte da vivencia da humanidade e seguen a ser unha ferramenta viva para a transmisión de emocións, coñecemento e identidade colectiva. Que mellor maneira de amalas que dando vida ás súas partituras.