Este álbum conmemora os 25 anos de traxectoria da Real Filharmonía de Galicia, amosando o talento musical galego actual baixo a batuta de Paul Daniel. Recolle obras de catro compositores galegos contemporáneos: Fernando Buide, Juan Durán, Octavio Vázquez e Eduardo Soutullo.
Para Fernando Buide, en Pasaxes as palabras do poeta galego contemporáneo Gonzalo Hermo empuxan a súa música a través de fronteiras, chegando ás centenarias palabras do poeta inglés Edward Thomas: é coma se buscase compartir a súa cultura galega con outra parte do mundo. En Pórtico da Illa de Monteagudo Juan Durán expresa o corazón e a alma de Galicia na súa música: a arpa de Alba Barreiro convértese na voz cantante da Illa de Monteagudo. Con Viúvas de vivos e mortos Octavio Vázquez rompe barreiras no seu concerto para gaita que compuxo para Cristina Pato, un himno de forza e de encomio á muller na sociedade, ás viúvas que mantiveron unidas ás súas familias durante a emigración. Eduardo Soutullo rompe as fronteiras entre o real e o imaxinario co seu enxeñoso e fascinante encontro de dous xigantes tecnolóxicos en Jobs and Gates at dawn (and other uchronias).
__
Odradek Records, 2021
