A Real Filharmonía de Galicia ofrecerá este verán diversos concertos en senllas cidades galegas co obxectivo de achegar a cultura a unha maior parcela da poboación. Ademais dos espectáculos vinculados a prestixiosos festivais de música clásica, durante os meses de xullo, agosto e setembro, a RFG actuará en zonas emblemáticas da cidade de Santiago, como por exemplo, a Igrexa de Santo Agostiño e a Praza da Quintana, onde as presentacións serán totalmente gratuítas.
A batuta cambiará de mans a medida que os músicos trocan de escenario, pasando así pola dirección de Baldur Brönnimann, director titular e artístico da Real Filharmonía de Galicia, Sebastian Zinca, director asistente, Roberto Baltar, José Luís Estellés e Joan Albert Amargós.
O repertorio será variado e o público terá a ocasión de escoitar obras de Richard Strauss, Wolfgang Amadeus Mozart, Ludwig van Beethoven, Giuseppe Verdi, John Williams, entre outros. Estes concertos se enmarcan dentro da temporada de verán da Real Filharmonía de Galicia, unha pequena mostra que antecede a súa temporada de abono que leva por título ‘Inconformistas’. Para información sobre a compra de abonos, consultar as webs da RFG ou Compostela Cultura.
PROGRAMACIÓN VERÁN 2024 REAL FILHARMONÍA DE GALICIA
- 7 de xullo (21:00h) | Galaico Brass Festival | CEIP de Merza (Vila de Cruces)
- 12 de xullo (21:00h) Xacobeo Clarinete Fest | Auditorio de Lalín
- 18 de xullo (20:00h) | Concerto Igrexa Santo Agostiño | Santiago de Compostela
- 26 de xullo (21:00h) | Concerto das Festas do Apóstol | Praza da Quintana (Santiago de Compostela)
- 30 de julio (20:30h) | Festival Hércules Brass | Mosteiro San Salvador (Celanova)
- 14 de agosto (22:00h) | Concerto Víctor Manuel Sinfónico | Auditorio de Castrelos (Vigo)
- 18 de setembro (20:00h) | Concertos nos Barrios | Casa das Máquinas (Galeras) – Santiago de Compostela
- 19 de setembro (20:00h) | Concertos nos Barrios | Centro Sociocultural Santa Marta – Santiago de Compostela
- 20 de setembro (20:00h) | Concertos nos Barrios | Igrexa de Santa María da Mercé de Conxo – Santiago de Compostela
