A Real Filharmonía de Galicia xa ten seleccionados os coros infantís e xuvenís que participarán na nova edición de CANTAMOS!, que este ano leva por título CANTAMOS DE PELÍCULA! e que, por primeira vez, estará protagonizada por formacións infantís e xuvenís.
As agrupacións seleccionadas son:
- Coro infantil A Academia
- Coro EnHarmonía
- Coro do IES Antonio Fraguas
- Coro Infantil e Xuvenil do Chester College
- Coro Infantil e Xuvenil da Escola Municipal de Música de Santiago de Compostela
- Coro Infantil e Xuvenil Cantiga
Todos eles, xunto co Peque Coro In Crescendo, que será o coro de escenario, compartirán as súas voces coa Real Filharmonía de Galicia nos concertos que terán lugar os días 17 e 18 de decembro no Auditorio de Galicia, baixo a dirección de Javier Fajardo.
Desde a Real Filharmonía de Galicia queremos agradecer a todas as formacións que participaron na convocatoria e que amosaron o seu interese por formar parte desta nova edición do proxecto “Cantamos!”.
