martes, 07 de septiembre de 2010
A RFG inaugura o Festival Via Stellae A Real Filharmonía de Galicia abrirá a segunda edición do Festival Via Stellae de música no Camiño de Santiago. A cita é o martes 3 de xullo de 2007 no Auditorio de Galicia.

O protagonismo da noite serán as Arias de Mozart, interpretadas na voz de Simon Kermes

O Via Stellae nace esencialmente coma un festival de música antiga e barroca. Na programación, grandes figuras da composición como Haendel, Vivaldi, Monteverdi, Bach, Corelli, Mozart, Haydn, Rameau ou Purcell, comparten cartel con outros autores menos coñecidos pero que deixaron música interesantísima e fermosísima. Pero a oferta non lle dá as costas a outras épocas, mantendo a idea de programación inicial e de criterios interpretativos. Mesmo prestándolle atención aos creadores actuais, un feito que se materializa na estrea de obras de cámara de compositores galegos como Octavio Vázquez, Juan Durán e Paulino Pereiro. O repertorio vinculado á nosa terra estará presente coa Idade Media e os trovadores, o Barroco, as capelas catedralicias, a canción, autores galegos xa clásicos como Marcial del Adalid ou Andrés Gaos e incluso, como diciamos, a creación actual.

 

SIMONE KERMES
REAL FILHARMONÍA DE GALICIA
RINALDO ALESSANDRINI
SANTIAGO DE COMPOSTELA (Auditorio de Galicia)
martes, 3 de xullo de 2007. 21:00h.

 

http://www.viastellae.es