Homenaxe a Chaikovski na Praza do Obradoiro (sábado 28 de xullo, 20:00 horas)

xoves, 26 Xullo, 2018

A Real Filharmonía de Galicia participa cun segundo concerto nas celebracións das festas do Apóstolo, conmemorativas do Día de Galicia, mantendo o seu compromiso co público da cidade. A orquestra responde así ademais ao seu propósito de achegar o gran repertorio sinfónico a todos os públicos, saíndo á rúa, como tamén se fará en setembro con varios concertos gratuítos ao aire libre, en barrios emblemáticos de Compostela.

 

A Praza do Obradoiro acollerá este sábado, 28 de xullo, un concerto dirixido polo mestre titular da agrupación, Paul Daniel, ás 20:00 horas. As entradas para as cadeiras, que eran gratuítas previa retirada da invitación na billeteira do Teatro Principal, xa están esgotadas; pero poderase acceder á praza ata completar o aforo. En caso de choiva, a actuación trasladarase ao Auditorio de Galicia.

 

O concerto será unha homenaxe ao compositor romántico ruso Piotr Ilich Chaikovski (1840-1893). É o autor dalgunhas das obras de música clásica máis fermosas e populares do repertorio actual.

 

A actuación na Praza do Obradoiro comezará con varios fragmentos de O lago dos cisnes, que Chaikovski escribiu a petición do Teatro de Moscova, en 1875. Trátase do primeiro ballet escrito por un compositor de música sinfónica, xa que na época esta tarefa estaba reservada aos músicos especializados en ballet. O autor, encantado coa idea de compoñer un ballet, decide inspirarse nunha peza que escribira catro anos antes para nenos da súa familia, no transcurso das súas vacacións. Aínda que na súa estrea non tivo moi boa acollida, na actualidade é unha obra universal, que ten sido presentada en numerosas versións diferentes.

 

Os músicos interpretarán tamén a Sinfonía nº 5 de Chaikovski, que compuxo en tres meses, e ten como fío condutor o poder do destino. Estreouse en 1888 baixo a batuta do propio compositor, cunha fría resposta por parte da crítica, o que xerou dúbidas no autor sobre a calidade da obra. Pero co paso do tempo confirmouse como unha das pezas de referencia do repertorio clásico.

 

La actuación en la Plaza del Obradoiro comenzará con varios fragmentos de El lago de los cisnes, que Chaikovski escribió a petición del Teatro de Moscú, en 1875. Se trata del primer ballet escrito por un compositor de música sinfónica, ya que en la época esta tarea estaba reservada a los músicos especializados en ballet. El autor, encantado con la idea de componer un ballet, decide inspirarse en una pieza que había escrito cuatro años antes para niños de su familia, en el transcurso de sus vacaciones. Aunque en su estreno no tuvo muy buena acogida, en la actualidad es una obra universal, que ha sido presentada en numerosas versiones diferentes.

 

Los músicos interpretarán también la Sinfonía nº 5 de Chaikovski, que compuso en tres meses, y tiene como hilo conductor el poder del destino. Se estrenó en 1888 bajo la batuta del propio compositor, con una fría respuesta por parte de la crítica, lo que generó dudas en el autor sobre la calidad de la obra. Pero con el paso del tiempo se confirmó como una de las piezas de referencia del repertorio clásico.